«Հանրային խոսքի մատուցում» թեմայով սեմինար ՀԵՀ Տավուշի մարզային կենտրոնի նախաձեռնությամբ

    2018 թվականի սեպտեմբերի 29-ին ԵՊՀ Իջևանի մասնաճյուղում տեղի ունեցավ «Հանրային խոսքի մատուցում» թեմայով սեմինար, որին մասնակցում էին մասնաճյուղի ուսանողական կառույցների ներկայացուցիչներ: Այն կազակերպվել էր ՀԵՀ Տավուշի մարզային կենտրոնի նախաձեռնությամբ: 

Ծրագրի նպատակն էր 

մասնակիցների մոտ զարգացնել լսարանի առջև անկաշկանդ ելույթներ ունենալու հնտությունները, սովորեցնել ազդեցիկ և գրագետ ելույթներ կազմել: Ծրագրի սկզբում ներկայացվեց նպատակը, մասակիցների ակնկալիքները օրվա հանդիպումից, թե ինչ կսովորեն սեմինարի շրջանակներում: Ամենը հստակեցնելուց հետո ներկայացվեց ելույթների կառուցվածքը, առանձնահատուկ անդրադարձ կատարվեց դրա մեկնարկին և ավարտին: Նշվեց, որ ցանկացած ելույթ ունեցող անձ պետք է իր առջև նպատակ դնի ելույթի շրջանակներում պարզաբանելու ինչ-որ հարց, տպավորություն գործելու, մասնակիցներին գործելուն դրդելու և այլն: Կարևորվեց նաև ելույթ ունեցողի անձը, որ պետք է ունենա խարիզատիկ իմիջ, թեթև և չպարտադրող ելույթ՝ զերծ ավելորդություններից, լիարժեք տիրապետի թեմային ու հարթակին, որտեղ պետք է ելութ ունենա: 

Հաջողակ ելույթ ունենալու նախապայմաններից նշվեցին հետևյալները. 

1. Ինքնավստահություն
2. Թեմայի ճիշտ ընտրություն և նախպատրաստական աշխատանքներ,
3. Ելույթի էֆեկտիվության ապահովում ձայնի փոփոխության շնորհիվ
4. Դադարների կիրառում ելույթի ընթացքում
5. Զգացմունքներ և հիացմունք ներդնելը խոսքում
6. Ժեստերի համապատասխանեցում խոսքին 
7. Հագեցած բառապաշար
8. Մարզված հիշողություն և այլն:

Բերվեց նաև լավագույն գրականության ցանկ հռետորությամբ հետաքրքրվածների համար: Ապա գործնական փուլում մասնակիցներն իրենց ստացած գիտելիքներով փորձեցին կազմել ելույթներ և մատուցել:  

Մասնակիցների հավաստմամբ ծրագիրը բավականին հագեցած և բովանդակալից էր:

Նյութը պատրաստեց՝

ՀԵՀ Տավուշի մարզային կենտրոնի կամավոր

 Լիանա Ներսիսյանը