Բանավեճ ՀԵՀ Տավուշի մարզային կենտրոնում

     2018թ. օգոստոսի 30-ին ՀԵՀ Տավուշի մարզի երիտասարդական կենտրոնում տեղի ունեցավ ընդգրկուն բանավեճ մի խումբ երիտասարդների մասնակցությամբ: 

Ծրագրի առաջին մասում տեղեկություններ տրվեցին բանավեճի  արվեստի մասին, թե ինչ է իրենից ներկայացնում, ինչպես են բանավիճում, ինչու  և այլն: Ապա տրվեց թեման, որի

շուրջ բանավիճելով երիտասարդները պրակտիկապես կիրառեցին այդ օրվա ստացած իրենց գիտելիքները: 

Տրված թեմայի վերաբերյալ մասնակիցներին նախ տրվեց ընդհանրական տեղեկություն, որից հետո մասնակիցները բաժանվեցին թիմերի՝ պաշտպանելու իրենց «կողմ» և «դեմ» տեսակետները թեմայի վերաբերյալ, ապա մեկնարկեց բանավեճը «Գիտատեխնիկական առաջընթաց. մարտահրավերներ և հնարավորություններ» թեմայի շուրջ: 

Ծրագրի պատասխանատուն էր ՀԵՀ Տավուշի մարզային կենտրոնի կամավոր Քրիստինա Ստարոդուբցևան:  

Բանավեճի ընթացքում կարևորվեց՝

1. Թիմերի բերած փաստարկների համոզիչ լինելը, հիմնավոր աղբյուրներից մեջբերումների ներառումը խոսքում,

2. Միմյանց նկատմամբ հարգանքի դրսևորումը, վարվեցողության նորմերի պահպանումը բանավեճի ընթացքում,

3. Գրագետ և կապակցված բանավոր խոսքի մշակույթը և այլն:

Մասնակիցները սովորեցին նաև հիմնավորված, տրամաբանական ու ճշգրիտ փաստերի հիման վրա արտահայտել սեփական կարծիքը: 

Ծրագրի նպատակն էր մասնակիցներին սովորեցնել բանավեճի հիմունքներ, ստացած գիտելիքները կիրառել գործնականորեն, ինչպես նաև  երիտասարդների ուշադրությանն արժանացնել գիտատեխնիկական առաջընթացի դրական ու բացասական կողմերը: 

     

Պատրաստեց՝  Արմենուհի Զաքարյանը